Thursday, December 02, 2010

Агууламжийн 3-р Хэлэлцүүлэгт оролцлоо

Хаана, хэзээ:
Улаанбаатар хот, Мэдээлэл Холбоо Систем ХХК-ны Дүрст хурлын танхимд 2010.12.2 өдрийн 9-13 цагт болсон. Төв шуудангийн барилгын баруун талын хаалгаар орж, 4-р давхарт энэ дүрст хурлын танхим байрлаж байна.

Зохион байгуулагчид:
Мэдээлэл, шуудан, харилцаа холбоо, технологийн газар
Мэдээллийн технологийн үндэсний парк

2009 онд анхны хэлэлцүүлэг /forum/ болж байжээ. Энэ удаагийн илтгэлүүдийг сонсож байхад, авах зүйл ч байна, алдаатай зүйлүүд ч байна.

Авах зүйлүүд гэвэл, хаана хаанаа янз бүрийн төсөл хөтөлбөрүүд боловсруулж, хэрэгжүүлж байгаа нь сайхан ч,

Засгийн газрын хэрэгжүүлэгч агентлаг ТАТВАР ТӨЛӨГЧДИЙН МӨНГӨӨР програм хангамж захиалж хийлгэж байгаа эсэхээ болон бусад зорилго зорилтоо хаанаас ч тэр мэдээллийг нь уншиж болохоор ил тод байлгах хэрэгтэй юм шиг санагдлаа.

Илтгэл тавьж байгаа Мэдээллийн технологийн салбарын залуучууд Монгол хэлээрээ алдаагүй зөв бичих, Гадаад үг хэллэг, нэр томъёог болбол орчуулж хэрэглэхээс эхлээд,

Ховд аймагт одоо байгаа шилэн кабелийн холболтын хурд нь Ховд их сургуулийн багш оюутануудын хэрэгцээг хангаж чадахгүй байгааг,

Эцсийн эцэст хэний ч хамаагүй бий болгосон Агууламжийг хэрэглэх ХЭРЭГЛЭГЧИДээ цаг алдахгүй бэлтгэж, иргэдэд технологийг ашиглуулж сургах, технологи болон агууламжийг ашигласнаар хүний амьдралын чанарт эерэг үр дүн гардаг гэдгийг ойлгуулах цаг болсоныг бүгд дурдаж байгааг хараад,

Бага дунд ахлах шатны Боловсролын байгууллагууд, нийтийн мэдээлэл олж авах эрхийг эдлүүлдэг Нийтийн номын сангуудын эрх үүргийг тодруулж Дэлхийн жишгээр нь ойлгох цаг болжээ гэдгийг мэдэрч баярлаж байлаа.


No comments: