Friday, October 21, 2011

Шинэчлэх асуудал: ХТНСан нь Ном гэрээр олгохдоо Иргэний үнэмлэхийг барьцаанд авч үлддэг

Сайн байна уу,
Хотын нийтийн төв номын сан нь Гэрээр ном олгохдоо уншигчийн иргэний үнэмлэхийг авч үлддэг. Гэрээр ном олгох журам:
http://pl.ub.gov.mn/index.php?option=com_content&view=article&id=86:2009-09-22-09-37-36&catid=98:2011-08-01-09-59-49&Itemid=120
ХТНСангийн Гэрээр олгогдсон номыг буцааж авдаг ажлын байр /Check-In/-ны зураг:

Яагаад иргэний үнэмлэхийг авч үлддэг вэ гэхлээр, уншигч гэрээр авсан номоо буцааж авчирч өгөхгүй алга болчихно шүү дээ, алга болох Ухамсаргүй уншигчид их байдагтай холбоотой гэж хариулна.
Номын сан Дэлхийн улсуудын нийтийн номын сангуудын жишиг, стандартад хүрч үйлчилснээр, Монголын уншигчид Дэлхийн уншигчидтай адил орчин нөхцлийг мэдэрч, баярлаж, эрхээ эдлэж, үүргээ биелүүлэх болно:
 - Номоо буцааж авчрахгүй байх шалтгаануудыг үгүй болгох, Жиш: ном буцаадаг хайрцагтай болох, аль ч номын санд буцаадаг байх ба бусад.
- Гэрээр ном олгох үйлчилгээгээ хураамжгүй болгоод,
- Уншигч-хэрэглэгчтэйгээ шинэлэг эелдэг харилцаа үүсгэхэд анхаарч,
- Номыг хугацаандаа авчрах нь ямар ач холбогдолтойг ойлгуулах мэдээллийг өгвөл
Монголын иргэд шинэ арга барилд амархан суралцах чадвартай учраас Дороо л учрыг ухаараад ирэх мэт.
Одоо байгаа иргэний үнэмлэх барьцаанд авдаг арга барил Зах зээлээс өмнө байгаагүй гэдэг. Энэхүү  тогтолцоог хэрхэн яаж шинэчлэх, өөрчлөх талаар санал бодлоо хуваалцана уу.
Аймаг сумдын номын санчид та бүхэн ч гэсэн Уншигчийнхаа иргэний үнэмлэхийг барьцаанд авч үлддэг үү?
Юу бодож санаж байгаагаа Хариу имэйл болгон бичих эрхэм танд баярлалаа,
Ж.Бэгзсүрэн
= = =
Father, 4 children
IT manager, Ulaanbaatar Public Library
Head, Library and Information Technology Association NGO
Advisory Board Member, The New Media Marketing Agency
Family Ambassador, Couchsurfing
Biznetwork: /p/jbegzsuren
Facebook/Twitter/Skype ID: jbegzsuren
"if it's possible, before you print this email, please think about keeping the nature, thank you!"











No comments: