Monday, May 06, 2013

Хөтөлбөрийн өрөөг зохион байгуулахдаа

2013-5-4 өдөр Хотын нийтийн төв номын сангийн Хөтөлбөрийн өрөөнд зохион байгуулагдсан Social Media Club-ын уулзалтанд оролцох үедээ ингэж бодлоо.

1. Хөтөлбөрийн өрөөг АНУ-ын ЗГ-ийн санхүүжилт, Америкийн ард түмний татварын мөнгөөр үнэхээр сайхан янзалж, тохижуулжээ. Ийм өрөөтэй байх нь чухал гэдэг санааг 2010-10-р сард АНУ-ын 2 номын санд дадлага хийж ирээд тайландаа
---
Нийтийн номын сангуудад зохион байгуулагдаж байгаа соёл танин мэдэхүй, олон нийтийн арга хэмжээнүүдийн мэдээллийг нэг доор төвлөрүүлж, нэгтгэх, улмаар Олон нийтийн арга хэмжээнүүд зохион байгуулах Conference, Мeeting өрөөнүүдийг номын сан бүрт байгуулж, техник хэрэгслэлээр тоноглох, /http://lip-news.blogspot.com/2010/11/blog-post_30.html/
---
гэж тусгаж, улмаар энэхүү өрөөний төслийг бичих багт орж ажиллаж байсанаараа бахархаж байлаа. Хөтөлбөрийн өрөөний нээлт 2012-8-р сард болоход оролцож байсан ч, анх удаагаа арга хэмжээнд ирсэн минь энэ боллоо.

2. Social media club-ын уулзалт арга хэмжээг зохион байгуулж байгаа багийнхантай Номын сангийн хөтөлбөр зохицуулагч номын санч хамтран ажиллахдаа, өрөөг хүлээлгэн өгч, хүлээн авах нь зайлшгүйтэйгээ адил,
- хүмүүс цугларч байх хугацаанд хөнгөн, сонгодог аясыг намуухан явуулах,
- хөтөлбөрийн өрөөнд зохион байгуулагдах эсвэл номын сангийн үйлчилгээний тухай цөөн слайд дэлгэцэнд гарч байдаг, бүх слайданд Одоо болох арга хэмжээний нэр, хөтөлбөр цаг, зорилго нь тогтмолоор харагдаж байдаг байх,
- хүрэлцэн ирж байгаа хүмүүсээс номын сангийн үйлчилгээ, эсвэл уг арга хэмжээний тухай гэхдээ номын сангийн үйлчилгээг сайжруулахад, алдаа дутагдлыг нээн илрүүлэхэд зориулсан товч судалгааг бичгээр эсвэл цахимаар авдаг болох, цаашид номын сан дээр зохион байгуулагдах арга хэмжээний мэдээллийг урьдчилан хүлээн авахыг хүсвэл имэйлээ бүртгүүлдэг систем ажиллаж байх гэх мэт

номын сангийн үйлчилгээгээ ХҮМҮҮСТ таниулахад чиглэсэн ажлууд хангах хэрэгтэйг Номын сангийн соёл танин мэдэхүйн арга хэмжээг хариуцсан болон Хөтөлбөрийн өрөөний ажилтанууд анхаараасай.

3. Энэхүү хөтөлбөрийн өрөөнд Олон нийтэд зориулан зохион байгуулагдаж байгаа арга хэмжээнүүдийн Хуваарь, болон уг өрөөнд арга хэмжээ зохион байгуулах хүсэлтээ онлайнаар илгээх боломжыг google calendar, drive зэргийг ашиглан хийгээсэй гэж бодлоо.

4. Эцэст нь арга хэмжээ болгоныг дүгнэн, Зохион байгуулагчдаас тайлан, оролцогчдоос сэтгэгдлийг нь хөндлөнгөөс авч нэгтгэн https://www.facebook.com/ubpubliclibrary гэх мэт харилцааны хэрэглэлүүд болон Номын сангийн вэб http://pl.ub.gov.mn/ зэрэгтээ мэдээлэх  нь зүйтэй гэж бодлоо.

5. Хөтөлбөрийн өрөөний Нотебуук компьютераа интернэттэй болгохыг хүсье.

J.Begzsuren

Mobile: 99861326
FB/TW/LinkedIn/Skype/SlideShare : jbegzsuren

---
head, Library and Information Technology Association
board member, Mongolian Libraries Consortium
Family Ambassador, Couchsurfing
Independent distributor, Herbalife

 Please consider the environment before printing this email.

No comments: