2016/01/29

Уриалга: Бичин жилээр Настан буурлаасаа "бяцхан" бэлэг гардацгаая

Цагаан сарын баяр - Үндэсний уламжлалт, хүндэтгэл, хайрын баяраараа дараах уриалгыг дэвшүүлж байгааг түмэн олон тунгаан болгооно уу?

Эмээ өвөө, аав ээж, ах эгчийнхээ сэтгэлээс нь ургаж, ухаанаар нь эмхтгэгдэж, гараар нь бичигдсэн "дурсамж яриа, түүх намтарыг захидал" буюу бяцхан бэлгийг цагаан сарын бэлгэнд гардан авцгаая!

Энэхүү уриалгыг хүлээн авч, уншиж байгаа эрхэм та цааш нь түгээн, зөв ойлгуулж, дэмжиж туслаарай, захидалаа дугтуйлаад, хүүхдүүд дүү нарын чимэглэж, бэлтгэсэн бэлгийн уут, хайрцагт хийж гардуулбал бүр янзтай байх?

Дурсамж яриа, түүх намтарын захидалд дараах санаанууд багтаж болох байх:

- Азай буурлаасаа олон жилийн өмнө цагаан сараа хэрхэн тэмдэглэдэг байсан дурсамж
- Ахмад настанаасаа хүүхэд насны нь дурсамж яриа
- Ахмад үеэсээ залуу насны нь ололт амжилтын түүх
- Ах эгчээсээ та намайг жоохон байхад яаж асардаг байсан
- Аавын ээжийн хөөрхөн дүү нартаа амжилттай хүмүүсийн түүх намтараас
- Ах дүүс, аав ээж, өвөө эмээгийн амжилт бүтээл, алдаа онооны сургамж, ухаарал


Урьд жилүүдийн дэвшүүлж байсан санаа бодолтой танилцаж, тунгаана уу:

2015 онд: Өөрийн аяга, халбагаа даалин уутандаа хийгээд өвөртөлж явъя, золгон очсон айлдаа аягандаа хоолоо идэж, цайгаа ууж, долоож цэвэрлээд, уут савандаа хийж өвөртөлцгөөе?

2014 онд: Цагаан сарын бэлэг сэлтэнд өөрийн гараар орц найрлагыг хольж, боловсруулж бэлтгэсэн сүүн бүтээгдэхүүн, хүнс байхаар тооцоолж Зун, Намар, Өвлийн улиралд хүнс, хоолоо бэлтгэцгээе.

2013 онд: Цагаан сар - Ураг садан уулзалдаж ... Дараа жилд хэрэгжүүлэх санаа

2012 онд: Цагаан сарыг үр бүтээлтэй өнгөрүүлэх хэдэн санаа

2010 онд: 2010 оны цагаан сараар төрж байсан санаа
Post a Comment